-Seica chove...
-Seica si.......

O tempo , mira que falamos del moitas veces desa forma tan galega de dicir, sen dicir nada...

¡Cantas veces falamos sen dicir nada!

Outras veces non temos tempo de nada...
Niso ando agora , en cuestións de tempo , de axenda , de ter que anotalo todo porque si non o fago , as ideas esvaécense na miña mente como folerpas de neve que tocan o chan.
Nunca tal cousa me pasou... será que me estou facendo vella , tempo que pasa....

Gustaríame ter tempo para miles de cousas... entre elas para dicir cousas que nunca dixen a persoas que merecen que llas diga , é ben certo , que non custa nada dicir “quérote”, de cando en vez ,e si o relacionamos co tempo tamén estaría ben dicir “non”
a fin de ter máis tempo...

O valor dos segundos.. importante cando non os temos ... é curioso , manteñome firme ante esa escravitude e resístome a levar reloxo, os que me rodean sofren as consecuencias.

Min ten unha estratexia , atrasou todos e cada un dos reloxos da miña vida , dándome 15 minutos de regalo..., demostrando que os mellores agasallos son os que non valen nada e á vez importan tanto...

Por certo , chove.....